نکیال میں جموں کشمیر نیشنل عوامی پارٹی اور جموں کشمیر نیشنل اسٹوڈنٹ فیڈریشن میں درجنوں سیاسی راہنماؤں کی شمولیت ۔

نکیال:- 27 جنوری 2025 نکیال میں جموں کشمیر نیشنل عوامی پارٹی اور جموں کشمیر نیشنل اسٹوڈنٹ فیڈریشن میں درجنوں سیاسی راہنماؤں کی شمولیت ۔ نکیال میں ایک اہم سیاسی پیشرفت ۔اس موقع پر مرکزی قائدین سردار لیاقت حیات، سردار نیاز خان، کامریڈ سردار عادل خان سمیت، ناصر جاوید ، حسنین جاوید ، سکندر حیات جنجوعہ ، سردار جواد انور خان ایڈووکیٹ دیگر اہم شخصیات نے شرکت کی۔ ان سیاسی جماعتوں میں شامل ہونے والوں میں، شاہ نواز علی شیر ایڈووکیٹ ،سردار ادریس خان، سردار عاصم خان، حاجی تبسم خان، داود طارق چوہدری، سردار ہارون الرحمن شمسی، سردار شمریز خان، کاظم حسین بٹ، راجہ سنی منیر کشمیری، میاں نعیم احمد خان، عبدالمعیز عالم چوہدری، احمد، اویس سبحانی، غلام مرتضی چوہدری، محمد خرم حسین، شفاعت چوہدری، ذاہد چوہان، نقیب احمد کاظمی، الحاج سجاد نیازی، ارشاد چوہدری، چوہدری معیب یاسین، عمران رشید صاحب،حافظ علی احمد ، بوستان ، شمشاد اور

دیگر درجنوں افراد شامل ہیں۔ اس موقع پر 11 فروری کو مقبول بٹ شہید کا یوم شہادت نیشنل ڈے کے طور پر منانے کا اعلان کیا گیا ہے۔نکیال میں خودمختاری، انقلاب، اور انصاف پر مبنی ایک روشن اور خوشحال مستقبل کے لیے نوجوانوں اور عوام کے لیے ایک سیاسی متبادل پیش کرنے کا عہد کیا گیا ہے۔ نکیال میں تمام مسائل کو جڑ سے اکھاڑ پھینکنے کے لیے جدوجہد کو مزید تیز کرنے کی بات کی گئی ہے۔ اس موقع پر صدر جموں کشمیر نیپ سردار نیاز خان ، سیکرٹری جنرل نیپ سردار عادل خان اور سابق صدر نیپ سردار لیاقت حیات خان ، سکندر حیات جنجوعہ ، جواد انور خان ایڈووکیٹ ، ناصر جاوید نے اپنے خطاب میں کہا ہے کہ نکیال کے نوجوانوں کا عزم ظاہر کرتا ہے کہ وہ آنے والے وقت میں علاقے کی ترقی اور خوشحالی کے لیے کام کریں گے۔اور جموں کشمیر کے قومی سوال محنت کشوں کی جڑت کے لیے کردار ادا کریں گے ۔ جموں کشمیر نیشنل عوامی پارٹی اور جموں کشمیر نیشنل اسٹوڈنٹ فیڈریشن میں درجنوں نوجوانوں کی شمولیت ایک

خوش آئند اقدام ہے ۔ پارٹی قیادت نے جوائنٹ عوامی ایکشن کمیٹی کے چارٹر آف ڈیمانڈ کی حمایت کا اعلان کیا ہے اور وعدہ کیا ہے کہ اس کے لیے بڑھ چڑھ کر کردار ادا کریں گے۔ ایکشن کمیٹی کے مطالبات کے لیے مسلسل اور موثر جدوجہد کی جائے گی تاکہ عوام کی آواز کو مزید بلند کیا جا سکے۔نکیال میں ہونے والی سیاسی جدوجہد اور اس پر قائم اقدامات سے واضح ہے کہ یہاں کے عوام اور نوجوان ایک نئے سیاسی منظرنامے کی طرف بڑھ رہے ہیں، جہاں انصاف، مساوات اور خودمختاری کی بنیاد پر مستقبل کی راہ ہموار کی جائے گی۔ نوجوانوں کی شمولیت سے نکیال میں ایک نئی سیاسی توانائی کا آغاز ہو رہا ہے، جس سے نکیال سمیت ریاست

کی سیاست میں نیا جوش پیدا ہوگا۔ #JKNSF #jkNAP #NakyalAzadKashmir #MaqboolButtShaheed