بحران تشویشناک

نکیال کی ڈبسی سیز فائر لائن پر بجلی کی بندش کا بحران تشویشناک ، 13 جنوری سیز فائر لائن ڈبسی پر احتجاجی مارچ کا اعلان ۔ سیز فائر لائن ڈبسی نکیال کے علاقوں بھچانوالہ ، کھنیٹی گالہ ، ناون ، سینی دھڑا، مرنیاں ،اندھیروں کی نزر، چار دن سے بجلی بند ، نظام زندگی مفلوج ، عوام پتھر کے زمانے میں چلے گے، لالٹین ، لکڑی کے دستوں/مٹھے کا چلن پر عوام مجبور ، خواتین بشمول حاملہ خواتین پیدل کئی کلو میٹر سروں پر پانی اٹھا کر لانے پر مجبور ۔ بجلی سے جڑی خوشیاں ، معاملات زندگی درہم برہم ، مستقبل دھاو پر لگ چکا ، عوام سراپا احتجاج ، آج 11 جنوری کی شب تک بجلی بحال کرنے کی ڈیڈ لائن ، بصورت دیگر ، 13 جنوری سیز فائر لائن پر احتجاج/ مارچ کا اعلان ۔ جوائنٹ عوامی ایکشن کمیٹی نکیال کی متاثرین سے اظہار یکجتی ، کال کی حمایت کا اعلان ۔ متاثرین کی ممبران ایکشن کمیٹی سے ملاقات ، مسائل مطالبات سامنے رکھ دئیے۔ ممبران جوائنٹ عوامی ایکشن کمیٹی نے اسسٹنٹ کمشنر اور ایس ڈی او نکیال کو مزکورہ بجلی مسائل و اس تناظر میں ہونے والے استحصال سے مطلع کرتے ہوئے تحریری طور پر متاثرین کی دادرسی کے لیے رجوع بھی کیا ہے ، جس پر اسسٹنٹ کمشنر ، ایس ڈی او صاحبان نے ترجیحی بنیادوں پر مسائل حل کرنے کی یقین دہانی کرائی ہے ۔ تین دن سے محکمہ کے اہلکار متاثرین کو انگلیوں پر ناچنے پر مجبور کیے ہیں۔ اب صبر کا پیمانہ لبریز ہو چکا۔ عوامی اشتعال سموار کو پھوٹے گا ۔ تفصیلات کے مطابق سیز فائر لائن کے علاقے نکیال میں گزشتہ چار روز سے جاری بجلی کی بندش نے عوام کی زندگی کو شدید متاثر کر رکھا ہے۔ یونین کونسل ڈبسی، بھچانوالہ، کھینٹی گالہ، سینسی دھڑا اور ناون کے علاقے اندھیروں میں ڈوب چکے ہیں، جس کی وجہ سے روزمرہ کے معمولات میں رکاوٹ آئی ہے۔ بجلی کی فراہمی نہ ہونے کی وجہ سے نظام زندگی مفلوج ہو چکا ہے، اور عوام کی مشکلات میں بے پناہ اضافہ ہو گیا ہے۔ یہ معاملہ اس وقت سامنے آیا جب 8 جنوری 2025 کو یونین کونسل ڈبسی کے دیہی علاقوں کی بجلی کی لائن ایک درخت گرنے کی وجہ سے متاثر ہو گئی۔ اس واقعہ کے بعد محکمہ برقیات کے اہلکاروں نے بجلی کی بحالی کے لیے مختلف جواز پیش کیے اور یہ دعویٰ کیا کہ مزید انسانی جانوں کے ضیاع سے بچنے کے لیے ایچ ٹی پول کی ضرورت ہے۔ ۔تاہم، مقامی متاثرین کے مطابق یہ لائن پچیس سے تیس سال سے استعمال ہو رہی تھی اور صرف درخت کے گرنے سے لائن میں معمولی سی خرابی آئی تھی، جسے جلد درست کیا جا سکتا تھا۔ درخت کی وجہ سے تاریں ڈھیلی ہوئی ہیں جن کو کھینچ کو بجلی بحال کی جا سکتی تھی اور سکتی ہے ۔لیکن اہکاروں نے بجلی بحال نہ کرنے کی قسم کھا رکھی ہے اس کے باوجود، محکمہ برقیات کے مقامی اہلکاروں نے اس مسئلے کو حل کرنے میں غیر سنجیدگی دکھائی۔ اس دوران عوام کو شدید مشکلات کا سامنا کرنا پڑا ہے۔ خصوصاً خواتین، بشمول حاملہ خواتین، کئی کلومیٹر پیدل چل کر پانی لانے پر مجبور ہیں، کیونکہ بجلی سے چلنے والی پانی کی موٹر بند ہو چکی ہے۔ اس کے علاوہ، مقامی افراد لالٹینوں کی روشنی میں اپنے گھروں کی ضرورتیں پوری کرنے پر مجبور ہیں،اور گاؤں کی بیٹی کی شادی بھی ایسے حالات میں کی ہے جبکہ موبائل چارج کرنے کے لیے دیگر علاقوں سے رابطہ کرنے کی کوشش کر رہے ہیں۔ مقامی عمائدین اور عوام نے متعدد بار انتظامیہ اور محکمہ برقیات سے شکایات کیں، لیکن کسی بھی سطح پر اس معاملے کا سنجیدگی سے حل نہیں نکالا گیا۔ اس پر عوام نے جوائنٹ عوامی ایکشن کمیٹی نکیال کے ساتھ مل کر احتجاج کا اعلان کیا۔ کمیٹی کے ممبران، جن میں شاہ نواز علی شیر ایڈووکیٹ، جواد انور خان ایڈووکیٹ، حاجی تبسم، عاصم خان اور معز عالم شامل ہیں، نے اس بات کا اعلان کیا کہ اگر 11 جنوری کی رات تک بجلی بحال نہیں کی گئی تو 13 جنوری کو سیز فائر لائن پر بڑے احتجاجی مارچ کا انعقاد کیا جائے گا۔ کمیٹی نے اس موقع پر کہا کہ وہ متاثرین کے ساتھ کھڑے ہیں اور ان کی مشکلات کو اپنی مشکلات سمجھتے ہیں۔ ان کا کہنا تھا کہ اگر اس مسئلے کا حل فوری طور پر نہیں نکالا گیا تو احتجاج میں شدت لائی جائے گی، اور اس کے بعد حکومت اور متعلقہ حکام کے خلاف سخت اقدامات کیے جائیں گے۔ جوائنٹ عوامی ایکشن کمیٹی کے ممبران نے عوام سے اپیل کی کہ وہ برادری، پارٹی یا علاقائی تعصبات سے بالاتر ہو کر اپنے حقوق کی جدوجہد میں متحد ہو جائیں۔ ان کا کہنا تھا کہ عوامی طاقت اور ایکتا کے ذریعے ہی اس استحصال کا خاتمہ ممکن ہے۔ یہ واقعہ نہ صرف مقامی انتظامیہ کی ناکامی کو ظاہر کرتا ہے بلکہ یہ بھی بتاتا ہے کہ عوام کے بنیادی حقوق کی پامالی اور حکومتی غفلت کس حد تک انسانوں کی زندگیوں کو متاثر کر رہی ہے۔ اس وقت علاقے میں بجلی کی بحالی ایک سنگین ضرورت بن چکی ہے اور عوام کی امیدیں حکام کے فوری اور سنجیدہ اقدامات پر وابستہ ہیں۔ انہوں نے حکام سے مطالبہ کیا کہ فوری کھمبے دے کر بجلی کے مسائل کو حل کریں ، اور جہاں کھمبے موجود ہیں وہاں سرکاری مداخلت سے کھمبے ٹرانسفارمر عوامی استعمال میں لائے جائیں ۔ انہوں نے کہا کہ مزکورہ بالا مسائل سننے کے بعد ہم بے سخت اضطراب میں ہیں کہ ہماری عوام کا اس قدر بدترین ذہنی و معاشی جسمانی استحصال کیا جا رہا ہے ۔ انہوں نے حکام پر واضح کیا کہ وہ متاثرین کا اب ایک گھنٹہ ہی نہیں ایک منٹ کا استحصال نہیں ہونے دیں گے ۔ اب فیصلہ میدان جدوجہد میں ہوگا۔