نظرانداز کرکے مرکزی مواد پر جائیں

آٹے کی قیمتوں کی تحقیقات اور عوامی شکایات کا ازالہ

رپورٹ برائے نکیال/101/2025 مورخہ: 10 جنوری 2025 موضوع:- آٹے کی قیمتوں کی تحقیقات اور عوامی شکایات کا ازالہ تفصیل: فوڈ انسپکٹر سردار ندیم خان نے گزشتہ روز جوائنٹ عوامی ایکشن کمیٹی نکیال فتح پور تھکیالہ کی درخواست پر متعلقہ سیکٹرز کے عوام کی شکایات کا جائزہ لینے کے لیے موضع ترکنڈی کا دورہ کیا۔ اس دورے کے دوران انہوں نے آٹے کی زائد قیمتوں کے بارے میں تفصیلی تفتیش کی اور ڈیلروں سمیت مقامی عوام و کنزیومرز سے ملاقات کی۔ انسپکٹر نے آٹے کی قیمتوں کی جانچ پڑتال کی اور اس بات کی تصدیق کی کہ ڈیلرز ضابطہ کے مطابق آٹے کی ترسیل کر رہے ہیں اور گاہکوں/صارفین کو مناسب قیمت پر آٹا فراہم کیا جا رہا ہے۔ اس کے علاوہ، مجاز اتھارٹی نے عوامی شکایات کے حوالے سے پلائی رتہ گالہ جندروٹ سلون کے علاقے میں بھی تحقیقات کیں۔ شکایات کنندگان نے اس کارروائی پر اطمینان کا اظہار کیا اور ان کی شکایات کا ازالہ کیا گیا۔ اس کے بعد فوڈ انسپکٹر سردار ندیم خان نے جوائنٹ عوامی ایکشن کمیٹی کے ممبران شاہ نواز علی شیر ایڈووکیٹ ، سردار جواد انور خان ایڈووکیٹ، سردار علی افضل ایڈووکیٹ ، نوید انجم عاصی ایڈووکیٹ سے ملاقات کی۔ اس ملاقات میں آٹے کی ترسیل کے مسائل اور عوامی شکایات کے حوالے سے تفصیلی گفتگو ہوئی۔ ممبران نے انسپکٹر کی جانب سے عوامی شکایات کے حل کے لیے کی جانے والی انکوائری اور تفتیش کو سراہا اور اس عمل کو قابل ستائش قرار دیا۔ ممبران کمیٹی نے مزید کہا کہ سستا آٹا تین شہداء کی قربانیوں اور جدوجہد کا نتیجہ ہے۔ زائد قیمتوں پر آٹے کی فروخت شہداء کے خون سے غداری کے مترادف ہے اور اس کی کسی صورت میں اجازت نہیں دی جائے گی۔ انہوں نے عوام اور آٹا صارفین سے درخواست کی کہ اگر انہیں آٹے کی زائد قیمتوں یا دیگر مسائل کا سامنا ہو تو وہ فوڈ انسپکٹر یا اسسٹنٹ کمشنر نکیال فتح پور تھکیالہ کو تحریری درخواست دیں اور رشوت یا کرپشن کی صورت میں بیان حلفی کے ساتھ شکایت درج کرائیں۔ شکایات کی ایک عکسی کاپی جوائنٹ عوامی ایکشن کمیٹی نکیال کور کمیٹی کو بھی فراہم کی جائے۔ اگر مجاز فورم پر شکایات کے حل میں تاخیر ہوتی ہے یا ان پر مناسب کارروائی نہیں کی جاتی تو جوائنٹ عوامی ایکشن کمیٹی اور اس کی ذیلی ونگ لیگل اینڈ ایگزیکٹو کمیٹی اس پر ضابطہ کارروائی اور احتجاجی عمل شروع کرے گی۔ اس کے علاوہ، کمیٹی عوامی شکایات کی خود مانیٹرنگ کرے گی اور مناسب وقت کے بعد شکایات کے حل نہ ہونے پر سخت ردعمل دیا جائے گا۔ ممبران کمیٹی نے اس بات پر زور دیا کہ عوامی مسائل کے حل کے لیے انتظامیہ و مجاز فورم موجود ہیں اور متاثرین بغیر کسی فیس یا اخراجات کے ان فورمز سے رجوع کریں۔ کمیٹی ان مسائل کی مسلسل مانیٹرنگ کرے گی تاکہ ان کا بروقت حل ممکن بنایا جا سکے۔ ممبران نے اس موقع پر کہا کہ جو حکام جوائنٹ عوامی ایکشن کمیٹی کی شکایات، مسائل اور مطالبات پر آئینی، قانونی اور اخلاقی ذمہ داریوں کو بخوبی احسن طریقے سے پورا کریں گے، اور مسائل کے حل کے لیے بھرپور تعاون فراہم کریں گے۔ لیکن عوامی مسائل کے خلاف قانون و ضابطہ، انسانی اور عوامی امنگوں کے برعکس کسی بھی عمل کے خلاف جوائنٹ عوامی ایکشن کمیٹی اپنی جدوجہد جاری رکھے گی۔ اختتام: جوائنٹ عوامی ایکشن کمیٹی کی یہ جدوجہد جمہوری، پرامن اور شعوری بنیادوں پر ہے، اور اس کا مقصد عوام کے حقوق کا تحفظ اور ان کی شکایات کا فوری ازالہ ہے۔ ترجمان لیگل اینڈ ایگزیکٹو کمیٹی جوائنٹ عوامی ایکشن کمیٹی نکیال

تبصرے

ایک تبصرہ شائع کریں

اس بلاگ سے مقبول پوسٹس

آزاد جموں کشمیر میں جمہوریت برائے فروخت – سلطانیٔ زر کا نیا موسم۔ کیا جوائنٹ عوامی ایکشن کمیٹی متبادل ثابت ہو گی ؟؟؟

آزاد جموں کشمیر میں جمہوریت برائے فروخت – سلطانیٔ زر کا نیا موسم۔ کیا جوائنٹ عوامی ایکشن کمیٹی متبادل بنے گی ؟؟؟ تحریر: شاہ نواز علی شیر ایڈووکیٹ، ممبر جوائنٹ عوامی ایکشن کمیٹی نکیال کوٹلی۔ سابق سیکرٹری جنرل بار ایسوسی ایشن نکیال پاکستانی زیرانتظام جموں و کشمیر ایک بار پھر انتخابات کے معرکہ میں جھونک دیا گیا ہے۔ انتخابات؟ نہیں، یہ انتخابی مشق ایک نوآبادیاتی کھیل ہے، جس میں تاش کے پتوں کی طرح سیاسی مہروں کو ترتیب دیا جاتا ہے، عوامی رائے کی بساط پر نہیں، بلکہ راولپنڈی اور اسلام آباد کی منصوبہ بندی پر۔ یہاں جمہوریت ایک اسٹیج ڈرامہ ہے، جس کا اسکرپٹ پہلے سے طے شدہ ہے۔ کردار بدلتے ہیں، مگر اسٹیج اور ہدایتکار وہی رہتے ہیں۔ یہ خطہ، جو "آزاد" کہلاتا ہے، معاہدہ کراچی اور ایکٹ 1974 کی زنجیروں میں جکڑا ہوا ہے۔ یہاں آزادی پسندوں کے لیے الیکشن لڑنا جرم ہے، کیونکہ یہ خطہ صرف ان کے لیے ہے جو پاکستان سے وفاداری کا حلف اٹھاتے ہیں۔ جو سوال کرے، جو مزاحمت کرے، اس کے لیے الیکشن میں داخلہ بند ہے، اس کی آزادی اظہار رائے پر قدغن ہے۔ یہاں وفاداری قابلیت نہیں، بلکہ غلامی، سہولت کاری، مو...
2 تبصرے
مزید پڑھیں

سیز فائر لائن اور ایل او سی کے الفاظ کی حقیقت ۔۔۔۔جموں و کشمیر کے عوامی مؤقف سے فرق کی وضاحت پیش خدمت ہے اس پر غور کریں ۔ تحریر شاہ نواز علی شیر

سیز فائر لائن اور ایل او سی کے الفاظ کی حقیقت ۔۔۔۔جموں و کشمیر کے عوامی مؤقف سے فرق کی وضاحت پیش خدمت ہے اس پر غور کریں ۔ تحریر شاہ نواز علی شیر ایڈووکیٹ ، ممبر جوائنٹ عوامی ایکشن کمیٹی نکیال کوٹلی۔ سابق سیکرٹری جنرل بار ایسوسی ایشن نکیال سیز فائر لائن (Ceasefire Line) اور ایل او سی (Line of Control) محض دو اصطلاحات نہیں بلکہ جموں کشمیر کے مسئلے پر دو متضاد نظریات کی علامتیں ہیں۔ ان دونوں اصطلاحات کے درمیان فرق صرف لغوی یا عسکری نہیں بلکہ گہرا سیاسی، تاریخی اور نظریاتی پس منظر رکھتا ہے۔ سیز فائر لائن ۔۔۔۔ عوامی نمائندگی اور اقوام متحدہ کا تسلیم شدہ مؤقف ہے۔ پہلے اس کو سیز فائر لائن ہی کہا جاتا تھا ۔ سیز فائر لائن وہ لکیر ہے جو 1949ء میں اقوام متحدہ کی نگرانی میں پاکستان اور بھارت کے درمیان ، جموں کشمیر کے تنازعہ پر جنگ بندی کے بعد کھینچی گئی تھی ۔ یہ لکیر بین الاقوامی طور پر جموں کشمیر کے متنازعہ حیثیت کو تسلیم کرتی ہے اور یہ واضح کرتی ہے کہ جموں کشمیر ایک حل طلب تنازع ہے ۔ کو پاکستانی زیر انتظام جموں و کشمیر اور ہندوستانی زیر انتظام جموں و کشمیر کہا جاتا ہے ۔ دونوں مما...
ایک تبصرہ شائع کریں
مزید پڑھیں

نکیال/ کو راشن نہیں، حق چاہیے!ریلیف نہیں، شفافیت و خودداری چاہیے! بھکاری نہیں ہنر مند چاہیں ۔

نکیال کو راشن نہیں، حق چاہیے!ریلیف نہیں، شفافیت و خودداری چاہیے! بھکاری نہیں ہنر مند چاہیں ۔ تحریر: شاہ نواز علی شیر ایڈووکیٹ، ہائی کورٹ (ممبر: جوائنٹ عوامی ایکشن کمیٹی نکیال، کوٹلی) سعودی عرب کے کنگ سلمان ہیومینٹیرین ایڈ اینڈ ریلیف سنٹر (KS Relief) کی جانب سے پاکستان بشمول آزاد جموں و کشمیر کے سیلاب متاثرین کے لیے 14.2 ملین ڈالر کا تیسرا مرحلہ شروع کیا گیا۔ یہ خیرسگالی پر مبنی فوڈ سیکیورٹی پیکج سینکڑوں سیز فائر لائن کے خاندانوں تک پہنچنا تھا۔ لیکن افسوس، تحصیل نکیال میں ایک بار پھر وہی پرانی کہانی دہرائی گئی — بندربانٹ، اقربا پروری، اور محرومی! تقریبا سرکاری ملازمین نے ہاتھ صاف کر دیا۔ نکیال، جو کہ سیز فائر لائن سے براہِ راست متاثرہ علاقہ ہے، برسوں سے ریلیف، باڈر پیکج، اور خیراتی امداد کا مرکز رہا ہے۔ مگر ان تمام امدادی مراحل میں اکثریت کو محرومی، تذلیل اور نابرابری ہی ملی۔ سعودی امداد ہو یا شاہد آفریدی فاؤنڈیشن کا راشن ۔۔۔ نکیال کی عوام کے لیے یہ صرف فوٹو سیشن اور سیاسی نمائش کا ایک اور موقع بن جاتے ہیں۔۔۔۔ جوائنٹ عوامی ایکشن کمیٹی نکیال نے بجا طور پر مطالبہ کیا ہے کہ ام...
ایک تبصرہ شائع کریں
مزید پڑھیں